སྤྱི་ལོ་ ༢༠༡༤ ཟླ་ ༠༡ ཚེས་ ༠༣ དང་། བོད་ཟླ་ ༡༡ ཚེས་ ༡༤ སྟེ་ཁམས་གསུམ་ཆོས་ཀྱི་རྒྱལ་པོ་ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་གངས་ལྗོངས་ཀྱི་དཔའ་བོ་མི་རིགས་ཀྱི་གཟི་བརྗིད་གངས་ལྗོངས་ཀྱི་མུན་སེལ་མི་རིགས་ཀྱི་བླ་སྲོག་བཅུ་ཕྲག་རིག་པའི་སྲོལ་འབྱེད་ཆེན་པོ་ས་སྟེང་ཀུན་ཏུ་གྲགས་པའི་འཇམ་མགོན་བླ་མ་ས་སྐྱ་པཎྜི་ཏ་ཀུན་དགའ་རྒྱལ་མཚན་དཔལ་བཟང་པོ་མཆོག་བསྟན་འགྲོའི་དོན་ཆེན་རེ་ཞིག་ལེགས་གྲུབ་ཟིན་ཏེ་གདུལ་བྱ་རྟག་འཛིན་ཅན་རྣམས་ཆོས་ལ་བསྐུལ་བའི་ཕྱིར་གཟུགས་སྐུའི་བཀོད་པ་ཆོས་དབྱིངས་སུ་ཐིམ་ཚུལ་བསྟན་པའི་དུས་ཆེན་ཁྱད་པ་ཅན་གྱི་ཉིན་བྱང་ཨ་རི་ནིའུ་ཡོག་དང་ནིའུ་ཇར་སི་ས་སྐྱ་བརྩེ་ཆེན་ཚོགས་པ་ནས་གོ་སྒྲིག་ཞུས་པའི་ཐོག་དུས་ཆེན་སྲུང་བརྩི་
གཟབ་རྒྱས་ཞུས། ཚོགས་མགོན་དུ་མཁན་ཆེན་པད་མ་དབང་གྲགས་རིན་པོ་ཆེ་མཆོག་ཆེད་ཕེབས་གནང་བ་མ་ཟད་ཁོང་ནས་དམ་པའི་ཆོས་སྒྲུབ་ཚུལ་དང་། འཇམ་མགོན་ས་སྐྱ་པཎ་ཆེན་གྱི་མཛད་རྣམ་ངོ་སྤྲོད་བཅས་ཀྱི་བཀའ་སློབ་ཟབ་རྒྱས་བསྩལ། ནིའུ་ཡོག་བརྩེ་ཆེན་ཚོགས་པ་སྐབས་བཅུ་གསུམ་པའི་ཚོགས་གཙོ་བསྟན་པ་ཡར་འཕེལ་ལགས་ནས་ཚོགས་ཕེབས་ཡོངས་ལ་མཛའ་བརྩེའི་འཚམས་འདྲི་དང་། དུས་ཆེན་གྱི་ངོ་སྤྲོད། དམིགས་གསལ་བོད་བསྟན་སྲིད་མི་རིགས་ཀྱི་ཆེད་དུ་སྐུ་སྲོག་ཤོར་བའི་རྒྱལ་གཅེས་དཔའ་བོ་དཔའ་མོ་རྣམས་ལ་ཐུགས་སྨོན་དགོས་པའི་འབོད་བསྐུལ་བཅས་ཀྱི་བཀའ་སློབ་བསྩལ། དེ་ནས་སྦྱོར་དངོས་རྗེས་གསུམ་ཚང་བའིཐོག་སྐྱབས་འགྲོ་སེམས་བསྐྱེད་དང་། འཇམ་མགོན་བླ་མའི་བསྟོད་པ། སྐྱེས་ཆེན་དམ་པ་རྣམས་ཀྱི་སྐུ་བསྟོད། བསྔོ་སྨོན། བསྟན་རྒྱས་འགྲོ་ལ་བདེ་སྐྱིད་མ་བཅས་ཀྱི་སྒོ་ནས་དུས་ཆེན་ཁྱད་པ་ཅན་འདི་རེ་ཞིག་འཇུག་སྒྲིལ་བའོ།
ཕྱི་ལོ་ ༢༠༡༤ ཟླ་ ༡༡ ཚེས་༡༣དང་༡༤བཅས་ཉིན་གཉིས་ཀྱི་རིང་རྒྱ་གར་བྱང་ཕྱོགས་དྷེ་ཧཱ་རཱ་དྷུན་མངའ་ཁུལ་དུ་བརྟེན་གཞི་བྱས་པའི་དཔལ་ས་སྐྱའི་གདན་ས་བརྩེ་ཆེན་བསྟན་པའི་དགའ་ཚལ་བཤད་སྒྲུབ་ཆོས་འཁོར་གླིང་། དབུ་བརྙེས་ནས་མི་ལོ་ཧྲིལ་པོ་ལྔ་བཅུར་འཁོར་བའི་དུས་དྲན་དང་བཀའ་དྲིན་རྗེས་དྲན་གྱི་མཛད་སྒོ་ཆེན་མོ་ཞིག་བསྟན་འགྲོ་དཔལ་མགོན་མཚུངས་མེད་ངེས་པ་དོན་གྱི་རྡོ་རྗེ་འཆང་༧སྐྱབས་མགོན་༧གོང་མ་ཁྲི་ཆེན་ཡིད་བཞིན་ནོར་བུ་མཆོག་ཚོགས་མགོན་དུ་དབུ་བཞུགས་ཐོག་སྲུང་བརྩི་ཞུས་གནང་བ་དང་། སྐུ་མགྲོན་གཙོ་བོར་སྐྱབས་མཆོག་ངོར་ཤར་ཆེན་ཀླུ་ལྡིང་མཁན་ཆེན་རྡོ་རྗེ་འཆང་ཆེན་པོ་མཆོག་དང་། ཕོ་བྲང་རྣམ་གཉིས་ཀྱི་སྐྱབས་རྗེ་འཁོན་གྱི་གདུང་སྲས་རྣམ་པ། ༧གོང་ས་༧སྐྱབས་མགོན་ཆེན་པོ་མཆོག་གི་སྐུ་ཚབ་མཁས་དབང་ཟམ་གདོང་རིན་པོ་ཆེ། དཔལ་ལྡན་སྲིད་སྐྱོང་མཆོག་གི་སྐུ་ཚབ་ཆོས་རིགས་བཀའ་བློན། བོད་མི་མང་སྤྱི་འཐུས་ལྷན་ཚོགས་ཀྱི་ཚོག་གཙོ་མཆོག
བོད་ཟླ་ ༩ ཚེས་ ༡༤ ཉིན་བྱང་ཨ་རི་ནིའུ་ཡོག་དང་ནིའུ་ཇར་སི་ས་སྐྱ་བརྩེ་ཆེན་ཚོགས་པས་གོ་སྒྲིག་འོག་བོད་གངས་ཅན་གྱི་ལྗོངས་སུ་ཡོངས་རྫོགས་བསྟན་པ་རྒྱས་བྱེད་ས་སྐྱ་པ་ཞེས་ཡོངས་སུ་གྲགས་པ་ལྟར་རྒྱལ་བའི་བསྟན་ལ་སྟོན་པ་གཉིས་པ་ལྟ་བུ་དཔལ་བརྩེ་བ་ཆེན་པོ་ས་ཆེན་ཀུན་དགའ་སྙིང་པོ་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་དགོངས་རྫོགས་དུས་ཆེན་ནམ། ཡོངས་གྲགས་སུ་ས་མཆོད་ཆེན་མོའི་དུས་ཆེན་དང། བསླབ་གསུམ་ཚུལ་ཁྲིམས་དྲི་བཟང་ཕྱོགས་བརྒྱར་འཐུལ་བའི་སྡོམ་བརྩོན་བྱེ་བའི་གཙུག་རྒྱན་རྒྱལ་བའི་ལུང་གི་ཟིན་པའི་ངོར་ཆེན་རྒྱལ་བའི་རྒྱལ་ཚབ་ངོར་ཨེ་ཝཾ་ཆོས་ལྡན་གྱི་གདན་རབ་དོན་ལྔ་པ་ཤར་ཆེན་ཀླུ་ལྡིང་མཁན་ཆེན་འཇམ་དབྱངས་བསྟན་པའི་ཉི་མ་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་མཆོག་བསྟན་འགྲོའི་ཕན་བདེའི་མགོན་དུ་དགུང་གྲངས་༼༨༥༽ལ་ཕེབས་པའི་སྐུའི་འཁྲུངས་སྐར་དུས་ཆེན་ཆོས་ཕྱོགས་ཀྱི་ལམ་ནས་སྲུང་བརྩི་གཟབ་རྒྱས་ཞུས།བྱང་ཨ་རི་ནིའུ་ཡོག་ས་སྐྱ་བརྩེ་ཆེན་ཚོགས་པའི་ཚོགས་གཙོ་བསྟན་པ་ཡར་འཕེལ་ལགས་ནས་དུས་ཆེན་ངོ་སྤྲོད་དང་འབྲེལ་དད་ལྡན་ཚོགས་བཅར་བ་ཡོངས་ལ་འཚམས་འདྲི་ཞུས།
སྤྱི་ལོ་ ༢༠༡༤ ཟླ་ ༡༡ ཚེས་ ༢ ཉིན།
རང་ཅག་རྣམས་ཀྱི་དྲིན་ཅན་རྩ་བའི་བླ་མ་བཀའ་དྲིན་མཚུངས་ཟླ་མ་མཆིས་པ་སྔགས་འཆང་ཆོས་ཀྱི་རྒྱལ་པོ་༧སྐྱབས་མགོན་༧གོང་མ་བདག་ཆེན་རྡོ་རྗེ་འཆང་འཇིགས་བྲལ་ཕྱོགས་ལས་རྣམ་རྒྱལ་མཆོག་ལས་ཅན་བསོད་ནམས་དང་ལྡན་པའི་གདུལ་བྱའི་མགོན་དུ་དགུང་གྲངས་ ༼༨༥༽ལ་ཕེབས་པའི་སྐུའི་འཁྲུངས་སྐར་དུས་ཆེན་ཁྱད་པ་ཅན་འདིར་བྱང་ཨ་རི་ནིའུ་ཡོག་གི་གྲོང་ཁྱེར་དུ་ས་སྐྱ་བརྩེ་ཆེན་ཚོགས་པའི་གོ་སྒྲིག་འོག་ཆོས་ཕྱོགས་ཀྱིི་ལམ་ནས་སྲུང་བརྩི་གཟབ་རྒྱས་ཞུས།